هو ليه علم إسرائيل عليه نجمه داوود

هو ليه علم إسرائيل عليه نجمه داوود مش صوره

لعصى سيدنا موسى ،

هو مش موسى عليه السلام نبيهم؟


طب إيه حكايه الخطين اللى باللون الأزرق اللى على

العلم وليه النجمه فى الوسط ما بينهم ؟

أولا نبدأ بالخطين :

دول يا سيدى بقى يبقوا النيل (فى مصر) والفرات


(فى العراق) ...و طبعا النجمه دى رمز لدوله إسرائيل


المقامه على "أرض الميعاد" المزعومه بين النيل

والفرات . بقى بذمتك شفت وقاحه وبجاحه كدا ؟ طب

عرفنا حكايه الخطين ؛ إيه موضوع نجمه داوود ؟ وليه

مفيش حاجه لسيدنا موسى على العلم ؟ عشان تفهم ،

لازم تعرف الحكايه من الأول خالص ! كانت شريعه

أنبياء بنى إسرائيل أنهم لا يحكموهم ، بمعنى إن وظيفه

النبى هى الوعظ فقط و لكنه لا يكون ملك أو حاكم

عليهم . وهذا منذ سيدنا إبراهيم وحتى نبى الله يوشع بن

نون (غلام سيدنا موسى فى رحلته مع الخضر و نبى

بنى إسرائيل من بعد موسى و هارون عليهم وعلى نبينا

الصلاه والسلام) . طب إيه دليلك ؟ أسمع الأيه دى كدا

و قولى رأيك إيه : "ألم تر إلى الملأ من بنى إسرائيل

من بعد موسى إذ قالوا لنبى لهم أبعث لنا ملكا نقاتل فى

سبيل الله "*البقرة ٢٤٦ ليه طلبوا ملك وفيهم نبى الله ؟

عشان دى كانت شريعتهم . انبياؤهم لا يحكمون ولا

يملكون . . طب ودا إيه علاقته بنجمه داوود ؟ إنت

توهتنا كدة ! ما هوا سيدنا داوود كان أول نبى لبنى

إسرائيل آتاه الله الملك . عشان كدا بيرسموا نجمته على

علمهم . "يا داوود إنا جعلناك خليفه فى الأرض فأحكم

بين الناس بالحق ولا تتبع الهوى فيضلك عن سبيل

الله"*سورة ص :٢٦ طب بردو مش فاهمين حاجه !

ده إيه علاقته بفلسطين والأرض المقدسه وأرض الميعاد

؟ بص يا سيدى : بعد طوفان نوح عليه السلام غرقت

الأرض كلها و تهدم المسجدين (الحرام و الأقصى)

فأقام سيدنا إبراهيم البيت الحرام و أقام سيدنا داوود

المسجد الأقصى من جديد ،وكان هو ملك القدس واليهود

و من هنا جائت فكره اليهود بأن فلسطين هى حقهم و

بلد نبيهم الملك داوود و من بعده أبنه سيدنا سليمان

عليهما وعلى رسولنا الصلاه والسلام . عشان كده

رسموا نجمته ليذكروا الناس بملكهم و أحقيتهم فى تلك

الأرض المباركه . طيب كده تمام وفهمنا إيه الخطين و

ليه نجمه داوود وليس موسى ، بس فى سؤال : ليه

اليهود سابوا حقهم فى الأرض المقدسه ٣٥٠٠ سنه و

طلبوه دلوقتى فى أول القرن العشرين مع ظهور

الصهيونيه و فكره أرض الميعاد ؟ لأ ، ما الموضوع ده

كله فبركه و مش حقيقى بالمره ، الحكايه يا سيدى إن

اليهود قابلتهم مشاكل أضطهاد شديده فى أوروبا فى أول

القرن العشرين وفكروا بأنشاء دوله تجمع يهود العالم و

وقع أختيارهم على ٣ أماكن : أوغنده فى أفريقيا و

الأرجنتين فى امريكا الحنوبيه و فلسطين . أما أوغنده

فوجدوا أنها بلد فقيره جدا ولا تصلح . والأرجنتين بعيده

جدآ عن أوروبا الجميله التى سكنوها وأتعودوا عليها .

ولم يبقى غير فلسطين (مناسبه ، قريبه من أوروبا ، فى

قلب العالم . ومحتله من الأنجليز أصدقاء اليهود الأنتيم)

بقيت أمامهم مشكله واحده ! إزاى يخلوا يهود العالم

يتقلوا من أوروبا و يتركوا أوطانهم عشان يروحوا

فلسطين ؟ بفكره خبيثه من تيودور هيرتزل(مؤسس

الصهيونيه) قاموا بتحريف التلمود وأضافه جزء جديد

أسموه أرض الميعاد بيقولوا فيه ( إن أرض الميعاد هى

ما بين النيل و الفرات و أنها حق لليهود وميراثهم من

بعد داوود ، وأن أى يهودى يموت فيدفن خارجها سيظل

جسده يصرخ حتى يدفن فيها أو تقوم الساعه) و بهذه

الفكره الخبيثه تحول الدافع السياسى فى الأحتلال إلى

دافع دينى يجمع اليهود من كل أنحاء الأرض متجهين

نحو فلسطين . معقول حرفوا دينهم عشان السياسه ؟

قول كلام غير ده ! طب أسمع الأيه دى كده ! "ولقد

كتبنا فى الزبور من بعد الذكر أن الأرض يرثها عبادى

الصالحون" * الأنبياء ١٠٥ تعرفوا إن دى الأيه الوحيده

من الزبور المذكوره فى القرآن ! طب ليه يعنى ؟ وأيه

الحكمه ؟ عشان ربنا يقول لليهود مفيش حاجه إسمها

أرض الميعاد , ولا إن سيدنا داوود أمرهم بالرجوع ليها

وإن سيدنا داوود برئ من أفتراكم عليه , وإن الزبور

نفسه بيقول :" أن الأرض يرثها عبادى الصالحون *

الأنبياء ١٠٥ طب كدا انا دلوقتى فهمت إنهم كدابين

ودى أرضنا أحنا ، طب وبعدين أعمل أيه دلوقتى أروح

هناك أحارب ؟ لأ طبعا يا عبقرى ، هتروح تحاربهم

بإيه ؟ بالحجاره وتموت بالرصاص بعد دقيقتين ؟ فى ٣

حاجات ممكن نعملهم لنصره الدين و أخواننا فى فلسطين

: أول حاجه أنك تكون مسلم كويس وطائع لربنا لأن

الأرض المباركه لا يفتحها إلا مؤمنين تانى حاجه الدعاء

بأخلاص لأخواننا الفلسطينين فى كل صلاه و ده أقل

واجب آخر حاجه تكون إنسان ناجح فى دراستك و

عملك ، تنفع و تبنى فى بلدك لأن طول ما إحنا بلادنا

متخلفه عمرنا ما هننصر ديننا فى الأرض *اللهم أنفعنا

بما علمتنا و علمنا ما ينفعنا يا ذا الجلال و الإكرام*

(ملخص حلقات الدكتور عمرو خالد عن القدس)

ملخص حلقات الدكتور عمرو خالد عن القدس